কঁকালৰ বিষটোৱে
পাহৰিব নিদিয়ে একো ৷ 
পাহাৰীয়া অৰণ্যৰ 
লুংলুঙিয়া
হাতী যোৱা বাটটো 
কঁকালত গধুৰ ইকুইপমেন্ট
গাঠি লোৱা ৰাইচ বেগ
থিয় পাহাৰ গছকি
ৰেচন কামাণ্ড
শেষ নোহোৱা অৰণ্যৰ বাটত
 কিট বেগত পঁচিছ কেজিৰ অকৰা ভেম ৷
পেটভৰাই ভাতসাজ খালেই মনত পৰে
ভেদাইলতাৰ পাতেৰে হাফ ৰেচন ৷
শিৰামুৰি ধৰা শীতৰ ৰাতি নিয়ৰ তিতা মাটিত
শান্তিৰ এআকাশ টোপনি আহোতেই
মাজনিশা কলমলাই উঠে পেটৰ ভোক ৷
একো পাহৰিব নিদিয়ে
প্ৰতিটো যাত্ৰাৰ পিছত
গুমগুমাই উঠা কঁকালৰ বিষে ৷