নৱবৰ্ষৰশুভেচ্ছা

চহৰৰ ফপৰাকুকুৰটোৰদৰে

খেংখেঙাই উঠে

নৱবৰ্ষ !

চৌপাশে বিমুদ্ৰাকৰণৰ থৰথৰ শীত

পুলিচী দেশপ্ৰেম

নিৰ্মম লাঠি

ভুৱা সংঘৰ্ষ

সহোদৰৰ তেজ  শুঙি শুঙি

লকআপত ওলমি থাকে ২০১৬৷

২০১৬ এটি ভতুৱা কুকুৰৰ নাম

প্ৰভুভক্ত গোলাম নৱবৰ্ষ

পিতাইৰ পেৰাটো বন্ধকত যোৱাৰ

এটি সময়ৰ নাম  ২ ০১৬

মাতৃভাষাৰ ডিঙি চেপি

জাতিক শূলত দিয়া

কচাইটোৰ নামো হব পাৰে ২০১৬৷

২০১৬ মানে ধৰ্মৰ নামত ৰাজনীতি

২০১৬ মানে স্বজাতিৰ বিভ্ৰান্তি

মন্দিৰত গৰুৰ মূৰ

মজজিদত গাহৰিৰ পেটু

বেপাৰী আৰু ভক্তৰ অবৈধ অভিসাৰ৷

বহু ভণ্ডামিৰে পাৰ হয় এৰি অহা দিন

অথচ কোনেও নেদেখে

কলীপেহীৰ কান্দোন

ৰামধন-ইছমাইলৰ শূৰপোকে উদং কৰা পথাৰ

বেকাৰ ভাইটোৰ উদাসচকু

অথবা ৰাষ্ট্ৰৰ  সমৰসজ্জাত পিষ্ট মানুহ  !

ফপৰা কুকুৰটোৰ  সৈতে

ষ্টেটবেংকৰ  বাৰান্দাত  শুই  পৰে  নৱবৰ্ষ

চৌপাশে  বিমুদ্ৰাকৰণৰ  শীত

আৰু  গোন্ধাই  যোৱা দেশপ্ৰেম !